Адипофилин комплекс [Adipofill’in^TM]

Франц улсын Lucas Meyer Cosmetics компанийн бүтээсэн комплекс бүтээгдэхүүн бөгөөд онцлох найрлага нь:

• Ornithine [орнитин; C₅H₁₂N₂O₂ химийн томьёотой *амин хүчил юм, хүний биед байдаг бөгөөд уураг үйлдвэрлэхэд ашиглагддаггүй ч бусад бие физиологийн процессуудад чухал үүрэг гүйцэтгэдэг билээ]
• Phospholipids [фосфолипид тосон молекулууд]
• Glycolipids [гликолипид тосон молекулууд]

Арьсанд үзүүлэх үйлчилгээ:

Липид тосон молекулуудаас бүрдсэн капсул дотор оруулсан ornithine хэмээх амин хүчлийг агуулдаг тул

• цээжний арьсан дахь өөхөн давхарга багасаж илүү нимгэрэхийн эсрэг үйлчилгээ үзүүлнэ
• өөхөн эсийг бөмбийлгөж өөхөн эдийг ихэсгэх байдлаар хүзүү, цээжний арьсан дахь өөхөн давхаргыг нөхөн сэргээнэ
• липоатрофитой (lipoatrophy) тэмцэнэ (липоатрофи гэдэг нь нас ахих тусам өөхөн эдийн эзлэхүүн багасах нөхцөлийг хэлдэг → өөхөн эсүүдийн тоо, хэмжээ нь багасдаг гэсэн үг юм)
• үрчлээс багасгаж арьсны эзлэхүүнийг хадгална
• арьсыг залуу үеийнхээ байдал руу нь аваачихад тусална

Хүн дээр хийсэн нэгэн туршилтын үеэр ам, хацрынхаа хооронд үрчлээстэй, 40-60 насны 20 эмэгтэй тухайн комплексыг 2%-ийн концентрацтайгаар нь өдөрт 2 удаа 2 сарын турш хэрэглэхэд үрчлээсний гүн нь 37.6 хүртэлх %-иар, арьсны толигор бус байдал нь 27.5 хүртэлх %-иар багассан: 

Ямар арьсанд тохирох вэ?:

Хөгшрөлтийн улмаас доройтож буй хүзүү, цээжний арьсанд нэн ач тустай.

*Амин хүчил (amino acid)

Уургийг (protein) бүрдүүлдэг молекул билээ. Жишээлбэл, коллаген нь уураг тул тодорхой төрлийн амин хүчлүүдээс бүрддэг юм.