ГЛИАЛИС 21 комплекс [GLIALYS 21]

Франц улсын GREENTECH компанийн бүтээсэн комплекс бүтээгдэхүүн бөгөөд онцлох найрлага нь:

• Hydrolyzed wheat protein [*гидролизжуулсан буудайн уураг; буудайнд байдаг глютен (gluten) уургийг *гидролиз урвалаар жижиг жижиг хэсэг болгон задалсан хэлбэр юм, улмаар арьсанд гүн шингэх боломж бүрддэг билээ]

Арьсанд үзүүлэх үйлчилгээ:

Гидролизжуулсан буудайн уургийг агуулдаг тул

• арьсанд *амин хүчлүүдийг хангаж өгөхийн зэрэгцээ чийгшил хадгалан арьсны өнгөн давхарга болох *эпидермис давхаргыг чийгшүүлнэ
• арьсыг чангалах үйлчилгээтэй тул үрчлээсний эсрэг ач холбогдолтой
• арьсыг хамгаалах давхаргын функцийг сайжруулж арьсыг толигор, уян хатан болгоно

Ямар арьсанд тохирох вэ?:

Бүх төрлийн арьсанд тохирно.

*Гидролизжуулсан (hydrolyzed)

Аливаа урт гинжин молекулыг арьсанд илүү гүн шингэх боломжийг нь бүрдүүлэхийн тулд усны молекултай урвалд оруулж жижиг жижиг хэсэг болгон тастаж богиносгосон гэсэн үг юм.

*Гидролиз урвал (hydrolysis)

Аливаа урт гинжин молекулыг арьсанд илүү гүн шингэх боломжийг нь бүрдүүлэхийн тулд усны молекултай урвалд оруулж жижиг жижиг хэсэг болгон тастаж богиносгодог урвал юм.

*Амин хүчил (amino acid)

Уургийг (protein) бүрдүүлдэг молекул билээ. Жишээлбэл, коллаген нь уураг тул тодорхой төрлийн амин хүчлүүдээс бүрддэг юм.

*Эпидермис буюу өнгөн давхарга (epidermis)

Хүний арьс 3 гол давхаргатай: хамгийн доод давхарга буюу өөхөн давхарга (subcutaneous layer/hypodermis), дунд давхарга болох жинхэнэ арьсны давхарга (dermis), хамгийн дээд давхарга буюу өнгөн давхарга (epidermis)